Gelarea Reiala Pura :
pot de 25 g

25 g de gelarea reiala pura : 28€
cura familiala de gelarea reiala pura : 2x 25g : 52€
cura familiala de gelarea reiala pura : 3x 25g : 78€

Mandadís per coli poste,
Colissimo seguit
Soto embalatge isotermic

---

Gelarea Reiala

La gelarea reiala es coneguda pas que dempuèi pauc de temps .Es pas que dins las annadas cinquantas que se descobriguèt sas vertuts e sobretot que se desvelopèt las tecnicas per sa produccion .
La gelarea es producha per las abelhas jovas pendant una passa de la lor vida .Conten
pas de nectar nimai de pollèn , la gelarea pura es un produch « animal » secretat per las glandolas faringianas de las abelhas.
Pendent aquel periòd l’abelha se ditz noiriça e sortís pas del brusc :.lo seu pretzach es de
pausar qualques miligramas de gelarea dins las cellulas de las larvas . Las larvas totas son apasturadas ambe de gelarea pendent los tres primièrs jorns . Las larvas que son destinadas a se faire reinas seràn apasturadas pas qu’ambe de gelarea lo long tot de la lor creissença e tanben aprèp la lor espelida pendent tota la vida, cap a la fin .
La diferéncia entre la reina e l’obrièra es aquí ! E cal dire qu’a la debuta las doas son sortida d’ uòus identics . L’abelhar , el, sortis d’un uòu qu’es pas fecondat .
Gràcias a la gelarea, la larva de reina va creisse mai lèu e sobretot lo seu aparelh reproductor se desveloparà completament . Una obrièra qu’es estala apasturada ambe de gelarea pendent sonque tres jorns creisserà pas tan e viurà quicòm coma 45 jorns. La reina, ela, poirà viure 4 o 5 ans e poudre 2000 uòus cada jorn .
Malgrat aquel ritme de vida aganidor la reina pòt, çaquela, viure 40 cops mai longtemps qu’una obrièra ! .
Tot aquò es indiscutable e plan conegut dels entomologistas e dels apicultors .
Cal pas s’enganar tanpauc e creire que la gelarea a per los òmes los meteisses efièches que sus l’abelha. es pas un elixir magic !
Seriosament, la gelarea es l’objècte dempuèi un brave briu d’estudis menadas per los sientifics e los metges (veire apiterapia) .
Alara es inutil e messorguièr de se prevaler d’una anterioritat Grèga, Romana o fora terriana !
Oc ben la gelarea es a l’encòp « moderna » e « anciana » . Existís dempuèi que lo mond es mond mas es pas qu’ara que la descobrissèm .
Siái pas qu’apicultor e mai que siá que apassionat per lo meu mestièr, las competéncias son pas las d’un metge o d’un sientific . Lo meu ròtle es de vos prepausar un produch de plan bona qualitat .


Cap de pagina

---

Cura de gelarea reiala :per de que faire ?

Combatre la cansièra , la flaquesa , l’astenia ,la neurastenia , la depression leugièra , l’amenorrèa e la dismenorrèa .
La gelarea reiala es plan rica en vitaminas e mai que mai en vitaminas B (B5 ), mas tamben en substàncias mineralas e quimicas : magnèsi ,fosfòr ,potassi ,silici ,sòdi , calci ,coire ,fèrre , e sofre .Conten tamben los uèch amino-acides índispensales per la vida e que lo nòstre organisme pòt pas sintetisar .

---

Cossì faire una cura de gelarea reiala?

Es aconselhat de prener 500 mg o750 mg de gelarea ( lo culhièr dosaire de 500mg es balhat ambe lo botelhon ) de matin , dejun , sota la lenga e de daissar fondre una estona . Lo gost es un mescladis d’amarum e d’aciditat pas gaire agradiu .Cal preveire un pauc de mèl o de chuc de fruchas per ajudar afaire passar ! . La cura deu dura al minim 45 jorns .Se sètz cansats de tròp se pòt augmentar la dosa e lo temps .






Mèfi :los produches que prepausi son pas que naturals . Venon d’abelhas que vivon dins un environament sanitós e salvatge .
Ca que la risques d’allergias son pas d’exclure completament . Se setz pas segur vos cal prene conselh ambe lo metge o lo potingaire

Partenaires
||| Apithérapie ||| Apiculture ||| Miel ||| Avocats Montpellier |||