Pagina iniciala
Recettes au miel
Las plantas
SOS Eissam
Lo mèl, primièra sorga de sucre per l’òme,
sobretot del temps qu’èra pas qu’un caçaire-amassaire.
En aquel temps pas gès d’apicultor. Cal esperar los Egipcians
de l’epòca Faraonica e los Grècs ancians per veire se
desvelopar una mèna d’apicultura . Los arqueologs descobriguèron
los brusques de terra en forma de cilindre dins força ostals Grècs
de l’antiquitat .
Aital lo mèl es una istoria vièlha per segur tan vièlha
coma la golardisa. Se noirir va plan, mas lo mèl serviguèt lèu
per se sonhar .
Per exemple, los metges de las legions romanas tractavan las nafras ambe de
mèl per cicatrisant .
A l’ora d’ara d’unes scientifics coma lo professor Descotte
del CHU de Limotges balheja dempuèi 20 ans, dins lo seu servici de
cirurgia, d’estudis e d’experiéncias de cicatrizacion ambe
de resultas espantauas. N’i a tanben paises en camin de desvelopament
per rasons evidentas del còst dels remèdis quimics que se servisson
de mèl e dels autres produches del brusques dins la seuna medecina.
Dins nòstre mond de tecnologia e de quimia, l’idèa de
se sonhar ambe autre causa qu’un remèdi comprat en farmacia pòt
semblar necitge !
Las òbras d’aqueles sabents nos portan a soscar qu’avèm
pas tot descobèrt e sobretot qu’avem a tornar aprene. Las recèptas
de nos
grands son pas a escampar! E se la sciéncia, la vertadièra,
l’oficiala venià al secors d’aquel saber vièlh que
descridem tant?
Mon prepaus es pas de vos butar a vos sonhar solets dins vòstre caire
ambe un pòt de mèl que m’auretz comprat mas es pas que
de
dire simpletament que lo mèl es una vertadièra meravilha de
la natura e pas solament un liquid sucrat e perfumat .
Vòli ben creire ara que manjaretz pas pus vòstras lescas de
mèl lo matin del meteis biais .
le travail au rucher